දේදුණු

අනේ පොඩ්යක් ඔහොම ඉන්න....
අදවත් කැලුම් අයියට බලා ගන්න.....

බර බැලිල්ල...

කෝ... කෝ...
අම්මා..
ඔයා අයින් වෙන්නකෝ
බබා උනත් තාත්තගේ
ගෙදර බබා මම නෙ අනේ
ඩොක්ටර් අංකල් කිව්වේ
බලන් එන්න, බබාගේ බර..
ඔයාගේ බර නෙමෙයි අනේ..
මං බබාගේ....

වැස්ස..

එන්න ඇතුලට... බය වෙන්න දෙයක් නෑ..
කුඩේ යටට ආවා නම් අපි තෙමෙන්නේ නෑ...
වැස්සෙ තෙමෙන්න එපා කියලා ආච්චි කීවා
තෙමිලා ගියොත් අම්මා දෙයි හොඳ සැර ඒවා

ගින්දර වාගේ...

පියානෝවද...?
සොඳුරු ළඳද...?
මටනම් දෙකම
නොඇදහුවත් දෙවියන්
දෙවියන්ම මැවූවා නොවේද...?
මේ සොඳුරු වස්තූන්...

ශ්‍රී ලන්කන් ක්‍රිකට්

අවසන් කටයුතු දකුණු අප්‍රිකාවේදි සිඳු කෙරේ
මෙයට ශෝකයට පත්
නාවලපිටියේ කළවැද්දා ඇතුළු පාළක මණ්ඩලය.
මල් වඩම් අනවශ්‍යයි.
මිනී බෑන්ඩ් හැකි තරම් රැගෙන එන්න..

මී හරක්..

නොමැත හිරිහැර
සිරුරු දියකර
තබති පියවර
කෙතක් සරුකර
ඈත සිට පෙර
නොකර කරදර
බතින් කුස පුර
වමින් සහ කිර
අහිංසක මී හරක්....

රහමෙරින් මත්වෙමින්
ඊර්ශා ක්‍රොදයෙන්
රාත්‍රිය සොරකමින්
දවාලෙහි ඇවිදිමින්
නිකිලිටුවු ගැමි ලඳුන්
දූෂණය කරවමින්
මහ එවුන් පසුපසින්
වැටී ඇත සෙනෙහසින්
ගමම කන මී හරක්....

හඳ මාමා..

සඳ ගැන කවි, ගී , සින්දු, චිත්‍ර, කෝටි ප්‍රකෝටියක් ලියවිලා ඇති ඒ හැම එකකම  සිනිදු, සුකොමල, ලාමක, ලතෙත් මෘදු, සෞම්‍ය, මොලොක්, මටසිලිටු, ප්‍රසන්න, ප්‍රිය උපදවන වස්තුවක් විදියට තමයි හඳුන්වලා තියෙන්නේ, කාන්තාවගේ මුහුණට උපමා කලේ කැත හිතකින්ද එහෙම නැත්නම් අවංකවද කියන ප්‍රශ්නෙකුත් මට තියෙනවා. ඒ උනාට මේ කයිය වෙනස් එකක් වෙයි මයේ හිතේ.....


සිතුවානම් මාමේ, උඹ
නීල් තමයි වැඩයා කියා
උඹට වැරදිලා එහෙනම්..
නැගලා මල් රොකට් එකේ
එනව අපිත් නිතරම ඔහෙ
අටවක දා හිනාවෙන්නේ
ඒ බව උඹ දන්නවාද

එන තරමක් ඔහේ එන්නේ

නරුමයෝමයි රොකට් එකේ

එනකොට උඹ මතක් වෙන්න

අරන් එනව ඇඟෙන් ටිකක්

එකයි ඔය තරම් ගොඩක්

වලවල් පිරිලා තියෙන්නේ

ඔහොම ගියොත් දවසක උන්

අරන් ඒවී හාවත් උඹේ

බයිට් එකට මරන් කන්න..

ඒක නිසා හැමදාමත්

අමාවකට වෙලා ඉඳින්..

ඕනෙම නම් පෝය දාට

පුර සඳ ලෙස පායාපන්...

අම්මා අපේ සිල් ගන්නේ
උඹ පිරිලා ඉන්න දාට

ළෝ දිය..

හිම දියව මොහොතකින්
රත් වේවී කඳු මුදුන්
මහා හඩ නංවමින
පුපුරාවී දරා උන්
රාග ගිනි

ගලනාවූ ළෝ දියෙහි
රස බලමි දිගාවී
පහස විඳිමින සකුරා මලේ
සුගන්ධය නම් නොමැත
තව තවත් ගලා යයි
කඳු මුදුන් පිනවමින්
මහා හඬ නංවමින..
ළෝ දිය....

ලියන මහත්තයා

පොඩි කාළේ ඉඳලම පුදුම ආසයි ලියන්න... පළා කොල නෙමෙයි අනේ හිතට එන ඒවා.. ඒ කාළේ ලියන්නේ ඉස්කෝලේ ලියන පොත් වල පිටිපස්සේ.. සමහර වෙලාවට ගුරුවරු දැක්කත්, නොදැක්කා වගේ ඉන්න ඇත්තෙ ලියපු ඒවල ගන්න දෙයක් නැති නිසා වෙන්නත් ඇති.. ඒත් එකම එක, සැරම සැර සර් කෙනෙක්ට  අහුවෙච්ච දවසේ මම හිතුවා හම්බානක කන්න වෙයි කියලා. නමුත් කට කොනකින් හිනාවෙලා කිව්වා වෙනම පොතක් අරගෙන දිගටම ලියන්න කියලා. ඒ ලියලා තිබුනේ ලව් ලෙටර් එකක් කවියකින්. ඒ කාළේ ඒවා ඇර වෙන මොනවා ලියන්නද. ..?

මේ පින්තූරේ දැක්කම මට මතක් උනේ මගේ පොඩි කාළේ.. ඒ කාළේ, අපේ බාප්ප කෙනෙක්ගේ කඩේක තිබුනා ඉන්ගිරිස් ටයිප් රයිටරයක්... බාප්ප කියවන ඉන්ග්‍රිස් පත්තරේ අරගෙන, ඒකේ තියෙන වචන ටයිප් කොරන එක තමයි ඉස්සෙල්ලම කොරේ... පුදුම වැඩේ කියන්නේ, ඉස්ස ඉස්සෙල්ලම හම්බ උන රස්සාවත් අකුරු කොටන එක තමයි.. "ඩේටා එන්ට්‍රි ඔපරේටර්".. කොහොම හරි ෆාස්ටස්ම පොර විදියටත් කප් ගැහුවා..

උද්ධමනය..

කළාකාරුවෝ නොයෙක් මාධ්‍යන්ගෙන් පවතින තත්වය අන් අයට සම්ප්‍රේශනය කරන්නෝ. මේ පසුගිය කාළේ ඇමරිකාව සහ යුරෝපය දැඩි ආර්ථික අර්බුදයකට මුහුණ දුන් වෙලේ. ඒක කොයිතරම් ජනතාවට බලපානවද කියලා කළාකරුවෙක් කළ නිර්මාණයක්.

සිනහවට යටින් ළොකු කතාවක් තියෙනවා...

නපුරු සීයා

"ඔයා මට ආදරේද....? "
"නෑ... මට ඔයාව පේන්න බෑ...."

පොඩි උන් විතරයි ඇත්ත කියන්නේ....
මේ සීයා ගඩාෆී, මේක සත්‍ය සිඳුවීමක්.. පොඩි එකාව බඩ උඩ තියාගෙන හුරතල් කරලා, ගඩාෆී මිනිබිරියගෙන් අහපු ප්‍රශ්නයත්, පොඩි කෙල්ල දීපූ උත්තරෙත් තමයි ඔය. මේක ගඩාෆී තේරුම් නොගත්ත එකයි වැරදි..

දුක....

නැසීමට..
වෙහෙසීමත්..
දුකක්මය.......!!!

සටහන - කතා ගේ ලස්සන කවි පෙලට මගේ කොමෙන්ටුව....

මේ නගරය මා ඔබ.....

විහිළුවෙන්
කෙළිදෙලෙන්
සිනහවෙන්
පිරී ගිය අතීතය.
රැගන යලි එනවාද..
දුක් නොදී මා සිතට
කඳුළු කැට නොම වැටෙයි
සිනහවෙන් එය මැකෙයි
ගෙවුනු ඒ පුරාණය
කොයිතරම් සුන්දරද..

පොඩි කුමාරිහාමී

අකුරු එහෙ මෙහෙ කරන්
මොනවදෝ කුරුටූ ගෑ
දඟකාර කෙලි පැටියා
මගේ නෙත් තෙත් කළා

අක්ෂරය පබලු නම්
පබළු මට මදි වෙලා
පළදන්න දුවේ ගෙල
පබළු මල් මාලයක්

සටහන - පියෙක් ගැන මා දුටු හොඳම ළිපිය. නිසල විල සසල කළා

මෙතනින් බලන්න.

අහෝ ගුත්තිල...!!!

නොසඟවා සියළු සිප්
බෙදුව මූසිලයනට
ලැබුනේද වැඩි දෙයක්
බෙදුව නැති බැරි අයට

එයයි මා ලද සතුට
නොපැතීය අන් යමක්
ජීවීතය හරි බරක්
අමාරුයි හැමෝටම

විඳගන්න මේ මිහිර
සැනසෙන්න මා මිතුර
තිබේනම් වැඩි යමක් ඔබ අතේ
ගුරුතුමා සනසපන් මගෙ පුතේ

ළෝක ගුරු දිනය වෙනුවෙන් දෙවිවරුන් වන් ගුරුවරුන්ට.

පොදු ජන කුමරිය

බොරු මොකටද. මුලු ලෝකෙම කොල්ලෝ වගේ මමත් මේ කුමරිට ප්‍රේම කළා. මියගිය දිනේ දුක් උනා. අදත් පෙම් කරනවා. එයාගේ පින්තූර මගේ ගාව පුරවල. පොත් පත්තර අද උනත් දැක්කොත් ගන්නවා.
ඒ වගේම එයත් සාමාන්‍ය ජනතාවට ආදරය කළා. ආදරයටත් ආදරය කළා. කොහොම නමුත් ජීවිතය වසන්ත සමය තුලම එයින් සමුගත්තා
.
එංගලන්ත අගමැති නියම සම්මානය ඇයට ලබා දුන්නා.
"පීපල්'ස් ප්‍රින්සස්", පොදු ජනතාවගේ කුමරිය.

අදත් එල්ටන් ජෝන් කළින් මැරලින් මොන්රෝ වෙනුවෙන් ගායනා කොට පසුව පද වෙනස් කරමින් ඩයනා වෙනුවෙන් ගැයූ ගීතයට සවන් දෙන විට, අමුතුම තනිකමක් දැනෙනවා.

මේ පින්තුරෙ ඇගේ අහිංසක බව. රාජකීය බව. ත්‍යාගශීලී බව, ප්‍රේමණිය බව යන සියළුම දේ තියෙනවා..

සූර්ය රාජයා..

අවසරයි සැතපෙන්න..
මහ රජුනි අවසරයි..!
තෙහෙට්ටුත් ඇති ඔබට..
කරණාවූ සේවයට..
තව ටිකක් ඉවසන්න..
පෙර යන්න සැතපෙන්න..
අමාවක නිසා අද..
හඳ මාමා නෑ එන්නේ..
පොඩි එකා හරි බයයි..
කළුවරේ ඇවිදින්න..

රුවල් නැව්

සමාවෙන්න මේක නම් පින්තූරයක් නම් නෙමෙයි. චිත්‍රයක්. මම චිත්‍ර වලටත් බොහොම කැමතියි. ලොකු කමකට නෙමෙයි හොඳට චිත්‍ර අඳින්නත් පුළුවන්. ආර්තික අපහසුතා හා වෙලාවක් නොමැති කම නිසා ඒ අංශය එහෙමම අමතක කරල තියෙන්නේ. ඒත් පුදුම ආසවක් තියෙනවා. සේමගේ මහත්තයගෙන් ඉගෙනගන්න. බලමු ලොතරයියක් වත් ඇදුනොත්.

පොඩි කාළේ ගොඩක් අය අඳින ච්ත්‍රයක් තමයි නැව්. මොන කරුමයක්ද මන් දන්නේ නෑ මම පොඩි කාළේ ඉඳල මේ රුවල් නැව් වලට හරිම ආසයි. මීගමූ වෙරලේ තියෙන රුවල් ඔරුවලටත් පුදුම ආසයි. රුවල් නැවක් ආවයි කිව්වොත් ගෙදරට කරදර කරල පොඩි කාළේත් ගිහිල්ල බැලුව මතකයි. මේ වගේ අඳුරු චිත්‍ර වලට ඡායාරූප වලට මම ගොඩක් කැමතියි. අමුතු ගුප්ත බව ඇතුලේ තනිකම, පාළුව, වගේම ආඩම්බර බවකුත්, තේජස් බවකුත් තියෙනවා.

පොඩි කාළේ පොත් නැවකුත් බැලුව මතකයි. කොහොම හරි පිට රටක ඉන්න කොට ඒ බොසාට පින් අයිති වෙන්න සුපිරි මගී නෞකාවක යන්නත් පින් කරල තිබුනා. මගේ ජීවිතයේ අමතක නොවන අත්දැකීමක්. විශේෂයෙන් මගියෙක් ලෙස යන්න ලැබිච්ච එක. ඒ සතියේ හිටියේ රජෙක් වගේ. ඔයාලත් මේ ච්ත්‍රය හා පින්තූරේ රස විඳින්න. දවසක මගී නෞකාවක යන්න වාසනාව උදා වේවා.

මාලේ....

මාලේ..
මළේ..
මලෙන්ද..?
මලේ..


අනේ නෑ කැන්සර් එකකින්. මාලේ පාපන්දු වලට හරි කැමතියි. බූට්ස් නැතුව ක්‍රීඩා කල වෙලාවක පොඩි තුවාලයක් උනා. ගනන්ගත්තේ නෑ. කාළයක් ගිහින් ඒක කැන්සර් එකක් උනා. "චේ" වගේම් ඔහුත් මට වීරයෙක්. ගීත වලින් විප්ලවයක් කල පුද්ගලයෙක්. කකුල ඉවත් කරන්න ඔහු කැමති උනේ නෑ. ආගමික විස්වාශය අනුව. අපේ කළාකාරයෝ වගේ, වන්දි බට්ටයෙක් නොවුනු ඔහුට මුළු ළොවම ගරු කළා. ඒ හේතුවෙන් වරෙක තම රටේ දේශපාලන අස්ථාවර තත්වයක් ඇති උන වෙලේ. දේශපාලූවෝ මාලේට කන් දුන්නා.

මල් ගහන එක ජැමෙයිකන් කාරයන්ට අපි බුලත් කනව වගේ දෙයක්. රෙගේ මියුසික් ජනප්‍රිය උනේ ඔහු නිසා. මම ආස තවත් ජැමෙයිකානුවෙක් ඉන්නවා. උසේන් බෝල්ට්.

ඒ සුන්දර අවංක නිහතමානී කෙලිළොල් මාලේ මේ පින්තූරේ ඉන්නවා. මාලේගේ මම කැපතිම ඡායාරූපය.

නාඳුනන ත්‍රස්තවාදීයා..

මේ පින්තූරෙත් ළෝක ප්‍රසිද්ධ පින්තූරයක්. කීප දෙනෙක් ගත් පින්තූර වෙනස් වෙනස් කෝන වලින් තියෙනවා. 'ටෑන්ක් මෑන්" ලෙසත් මේක ප්‍රසිද්ධයි. රක්ත වර්ණ චීනේ, රක්ත වර්ණ චතුරශ්‍රය, රක්ත වර්ණ රුධිරයෙන් පිරී යන්න මොහොතකට පෙරයි මේ ඡායරූපය අරන් තියෙන්නේ.

සමහරු කියනවා මේ වීරයා "වැන්ග් වෙන් ලින්" කියල. අපිත් යුධ ටැංකී දැකල තියෙන නිසා ඉස්සරහට තියා අහලකටවත් යන්න බයයි. නමුත් මේ පුංචි මිනිසා ඒ දේ කළා.. රතු චතුරශ්‍රයේ උන් සිසුන් වෙනුවෙන්. රථයේ රියදුරුගෙන් බේරුනත්, රතු හමුදාව අතට පත් උනා. ඊට පස්සෙ උන දේ දන්නේ. දේශපාලන මණ්ඩලේ තමයි. නමුත් එක දෙයක් උනා.

චීනය වෙනස් උනා.

මනස උසස් අය..

මේ නාට්‍යයක ජවනිකාවක් නොව්. මිලේඡ්ච චායාරූපයක්. මේ වධ බන්දනයට ලක්කල අයත් පස්සෙ දඬුවම් වින්දා. ඒත්..

යුද්ධය කියන්නේ මහා කාළකන්නි සිඳුවීමක්..

මම අකමැතිම දෙයක්..

නමුත් ළෝකය පවතිනා තුරු හැමතැනම මේ දේ සිඳුවේවී..

අහිංසාවාදී ආගමක් වන බෞද්ධයොත් මේවා අනුමත කරන කොට...

හිසට සෙවනක්..

හිසට සෙවනක්..
සැදෙන දිනයක්..
ස්වප්නයක්..
නොම වන්න..

ඒ සිහින ඉටුවන්න..
මයෙ පුතා රජවෙන්න..
මේ සෙවන පිළිගන්න..
දැන් ඉතින් සැතපෙන්න..

වීරයා = ද්‍රෝහීයා

 

උඹට මම අද වීරයෙක්..
මට උඹ මිතුරෙක්..
ඒ උඹ පොඩි නිසා...

හෙට..

උඹ ළොකු මිනිහෙක්..
එතකොට උඹ..
අද උඹේ වීරයාට එරෙහිව එන..
තලෙයිබාන්වරයෙක්..
මගේ හතුරා නුඹයි මිතුර...

අම්මේ වඩා..

අපේ අම්මල විතරක් නෙමෙයි.. අපි පොඩි කාළේ අපිට ආදරේ කරපු හැමොම අපිව වඩා ගත්තේ මේ විදියට.. දැන් නම් කූඩවල දාගෙන ඇච්චෝ ගේනියන්නේ. ඉන් වටේ සුරයක් එක්ක කලු නූලකුත් ගැටගහනව.. ජුන්ඩලට ඇස් වහ වදිනවට.. 

"අම්මේ.... වඩා".. 

කී සැරයක් ඉල්ලල ඇද්ද...? 

එතකොට අම්මල බෑ කියනවද..? 

අම්මා වඩා ගන්නවට නේද වඩා කැමති ...? 

ඒ ඇයි...???

වැටෙන මිනිසා

අද 9/11 "The Falling Man"  කියන මේ ඡායාරූපය ළොව ජනප්‍රිය ඡායාරූපයක්. මේ මනුස්සය මේ පනින්නේ නෝත් ටවර් "North Tower" එකෙන්. ඡායරූපය අරන් තියෙන්නේ ඇසෝසියේටඩ් ප්‍රෙස් හී රිචඩ් ඩ්‍රෝ. මේ වගේ තවත් ඡායාරූප තිබුනත්, මේ ඡායාරූපය දෙස බලා සම හරක් අදහසක් ප්‍රකාෂ කළා මේ විදියට පැන්න අනිත් 200 දෙනාත් සුවිසයිඩර්ස්ලා කියලා. ඒ අය ප්‍රහාරය පිළිබඳව දැනගෙන හිටිය කියල. කොහොම හරි ඒ කතාව ගොන් අදහසක්.

තව දෙයක් දන්නවද...? ටවර් දෙකම කඩාගෙන වැටුනයින් පස්සෙත්, ඒ කොන්ක්‍රීට් ගොඩේත්, ජීවීත බේරුන කීප දෙනෙක් සිටිය බව.. හිතාගන්නත් අමාරුයි නේද.?. මේ තමයි ටවර් කඩා වැටුණු ඡායාරූප.. මේ ප්‍රහාරය නිසා ළෝක ඉතිහාසය සෑහෙන වෙනස් උනා.....

බර වැඩක්

බර වැඩක් උනත් ඔච්චර සීරීයස් ගන්න එපා..
මේ මම වගේ හිනා වෙලා ඉන්නකෝ..
කෝ ඉන්න කට හදන්න..
අපේ ඔබා මාමා නේ දැන් ඔයාලගෙත් දුක සැප බලන්නේ..

භාවනා

මේ පින්තූරේ අරන් තියෙන්නේ දෙමලෙක්..(සේයාරුව විශාල කර බලන්න.)
පින්තුරේ ඉන්නේ බෞද්ධ භික්ෂුවක්..
භාවනානූයෝගීව..
ඒත් අපි කොහොමද කියන්නේ.. මේ භික්ෂුව උපතින්ම බෞද්ධද කියල..
සමහර විට හින්දු වෙන්නත් පුළුවන්..
එතකොට.. ඡායරූප ශිල්පියා..
ඔව් එයත් බෞද්ධයෙක් වෙන්න පුළුවන්..
බොදු දෙමලෙක් -

විප්ලවය

කොතරම් සුන්දර මිනිසෙක්ද...?
විප්ලවය දිණූ පසුත්..
සටන අත් නොහරින්න..
නොරට සොහොයුරන් වෙනුවෙන්..
ජීවිතය පුදදෙන්න..

ළොව එදත්, අදත්, හෙටත්, වැඩියෙන්ම අලෙවි වන පුද්ගල ඡායාරූපය..

මම කැමති පළමු එකට.. ඒ තමයි නියම චේ....

දෙවන නිර්මාණය ඉන්දික දිසානායකගේ..

ලංකාවටම ආඩම්බරයක්.. 
http://awaythehorizon.blogspot.com/2010/12/che-guevara-stencil.html



I don't care if I fall as long as someone else picks up my gun and keeps on shooting.
Che Guevara 

ගිම්හානිගේ ඉල්ලීම..

තනිවීම

තනිවමයි උපන්නේ.. තනිවමයි මියෙන්නේ..
එහෙත්..
නොසිතුවෙමි කිසිදිනක..
දැනේයයි තනිකමක්..
ඒ අතර දිනයකදි..
මා මෙළොව තනිව ඇත..
දැනෙනවා මා සිතට..
ඔබ හටත් එසේමද..?